អង្គការ សមាគម សហព័ន្ធនិងនីតិបុគ្គលដទៃទៀតដែលបានចុះបញ្ជីស្របតាមច្បាប់ នៃព្រះរាជាណាចក្រកម្ពុជា និងដែលធ្វើសកម្មភាពពាក់ព័ន្ធនឹងអ្នកប្រកបការងារ ឬមុខរបររកចំណូលផ្ទាល់ខ្លួន អ្នកជំនាញ បច្ចេកទេស អ្នកបម្រើផ្នែកសេវាកម្មនិងអ្នកប្រកបអាជីវកម្មផ្សេងៗទាំងក្នុង និងក្រៅប្រទេស ឬជារូបវន្តបុគ្គល ដែលមានអាយុ ចាប់ពី ១៨ឆ្នាំឡើង អាចស្នើសុំចូលជាសមាជិកសមាគម។ សមាជិកជានីតិបុគ្គល ឬរូបវន្តបុគ្គលអាចចូលជាសមាជិក សមាគមមិត្តយើងដោយការដាក់ពាក្យស្នើសុំចូលជាសមាជិក និងត្រូវបានទទួលស្គាល់ជាសមាជិករបស់សមាគមតាមរយៈ ការសម្រេច និងឯកភាពរបស់ប្រធានគណៈកម្មការប្រតិបត្តិ។ សមាសភាពសមាជិកកិត្តិយសនឹងត្រូវបានផ្ដល់ជូនដោយការអនុម័តរបស់ក្រុមប្រឹក្សាភិបាល តាមសំណើរបស់ប្រធានគណៈកម្មការប្រតិបត្តិ។